(4).jpg)
صج ان الاطفال زينة الحياة
وابتسامتهم تسعد النفس وترد الروح وتحس انها ابتسامه صادقه وبريئه
واحساس حلو لمن يضحكون لان وناستهم من وناستنا
بس لمن يبجون
اعصاب باعصاااااب منو يسكتهم
الشعور بالتنرفز اهوه الطاغي
الابو يسكت الكبيره والام الصغير
لمن يكون الياهل كبير مو لازم نساحله علشان يسكت
لازم نحقره علشان يسكت بروحه
وعلى حسب الموقف طبعاوطبيعة الطفل
نصائح رتاج*
يجب عليانا تكلم الطفل مهما كان عمره كأنه واحد كبير لان هالشي يخليه اذكى وافهم
ولازم على عمر الطفل نشتريله العاب ذكاء علشان ينمي مهاراته
سماع الطفل وتلبية احتياجاته او الرد على استفساراته على الدوام
كل طفل له طريقه تعامل مختلفه عن الاخر
على الام انها تخلي زوجها يتحمل مسؤولية الابناء معها لان الايد الوحده ماتصفق
يجب اشغال الطفل بشيئ مفيد حتى نمنعه من الشطانه
وانصحكم بالانديه الصيفيه
واخر نصيحه من اول مايبدى الطفل يمسك نعطيه قصص الفلين الصغيره لو مانقراهم له
بس اكيد يفضل القراءه له ومع الكبرراح يحب القصص والقراءة
مابي اطول عليكم زياده وانشالله استفتدتم من النصاثح
37 comments:
hello..
ana sheft a6fal gelt lazem a3aleg.
el sebab el ra2isi fe ene 9ert teacher ene amot bel yahal.
o mashala na9ay7ej 9ij 7elwa o 5a9atan ena t3awden el 6efel men el 9e`3er 3ala el gera2a lana 9ij mohem.
e7na eyolena kids el ebteda2i 7ata ma e3arfon yamsekon aglam, mo 7ag el ketaba 7ag el teshe5be6!!!
ta5ayle...
o methel ma gelty el ed el wa7da ma t9afeg lana wjod el ab o el om mo bs lel walden zen bs lel 6efel lana ename fe maharat `3er 6abe3eya.
:D
thanks 3al mawtho3 el jameel
Salamz...
انا الحين بشهري السادس وانشالله نصايحج اطبقهم
مشكوووورة
الله يرزقج بيهال هاديين
وحبوبين ويسمعون الكلام
وإنشالله يعطيج على قد نيتج
وأكثر يا رب
الســ عليكم ــلام
بصراحة نصايح وايد حلوة و يعطيج العافية على هذا المجهود
المولود اذا بدا يضحك او يتحرك
او اذا بدا يمشي يعطيج احساح كان معجزه صار
بس لا يبجون و خصوصا بالليل ويكون باجر دوام
اكرر شكري على نصايحج
و الله يخليلج اعيال و يتربون بعزج و عز ابوهم
وتفرحين فيهم ان شاء الله
موضووووووووع في غايه الجمال والروعه وبدايتج حلوه واتوقع المواضيع اليايه بتكون احلى
الاطفال زينه الحياه وحلوين وكلهم براءه
وابتسامتهم ترد الروووووح
مشكوره رتوج
لمسه راقيه منج
شكرا
بس اللي عندي ماينفع فيهم هالكلام
مرحبا
لفتة حلوة
بس آنا مو مع سالفة الحقران
لأنه الحقران يقطع المصران مايصير نعامل إلي سنهم صغير بهالشكل
نحاول نقول كلمة عالأقل وحدة
لأنه بالمحقور ينقهر وممكن يسوي شي يعصب يكسر .. يعني يطلع حرت
زائد
ممكن ينتج عن الحقران اعتقاده بقلة شأن ذاته لأن إلي جدامه مارد عليه ف مومهتم له
صدقيني هذي أمور صغيرة لكنها تترسب داخل النفس وتكبر مع الوقت
عالعمومن
خووووش بوست لطيف جدا
شكرا
مرحباااا رتاااج..
شلونج يالغاليه..
ماشالله نزل الموضوع الثاني ونزلت معاه الإستفاده ^_^
صج الاطفال يونسون ولما يبجون يضيقون الخلق بس الله وكيلج عندنا ولد اخوي احنا نتعمد نبجيه عشان نضحك عليه شكله يونس لما يبجي ^_^
شكرآ عالنصائح انشالله استفيد منها لما اتزوج واجيب عيال ^_*
جميلة النصائح اللي تكون نتاج تجربة ..
يا ليت تخصصين موضوع عن شلون نحبب الاطفال بالقراءة ..
شكراً
anonymousشكرا
انشاالله تولدين بالسلامه حبيبتي
واذا عندج اي شي تبين تستفسرين عنه لاتتردين سألي
مشكور hamdool
على الدعوه الحلوه هذي والله يسمع منك يصيرون جذي
تدري المشكله مو لما يكونون يهال المشكله لما يكيرون يكونون يسمعون الكلام
على قولتهم كلما يكبرون تكبر مشاكلهم وياهم
خسرتيني للابد
الله يعافيك
اي والله شلون نطرهم على ما يمشون ويسولفون صج وناسه و حاسه احساسك لما يقومون بليل
شنو اذيه
والعفو ولو على النصايح وانا اللي اشكرك على مشاركتك الحلوه وياي
والله يسلمك انشاالله
حياتي شيماء
صج يردون الروح وابتسامتنا من ابتسامتهم
مادري شقولج حبي احس اذا قلتلج مشكوره
شوي عليج لان انتي عرفتيني على هالعالم الحلو وساعدتيني في
شكرا شيماء
اهلين براك
هذا من ذوقك
ولا تقول ماينفع حاول
واذا عندك اي استفسار عن شلون تعامل وياهم قولي وانشاالله اساعدك
وشكراا
almas هلا والغلا
تدرين ليش انا قلت الحقران
لان انا مجربه هالشي ويا بنتي
عمره كان سنتين وتبجي وايد واكون مافي شي ماسويته وياها
ولما اكلمه واقوله شي تزيد بجيها
فلما احقرا تسكت وتييلي بعدين
وانا وياج انه موشي
وانا قلت بعد على حسب الموقف
وشكرا حبيبتي على مشاركتج الحلوه
هلاو غلا فيج امبراطورة اشعاري
تمام يالغاليه
وانشاالله استفدتوا عدل
وتدرين لو ولدج ماترضين احد يبجي
وانشاالله الله يرزقج الزوج والاولاد الصالحين
الحارث بن همام
انشاالله وفكرتك حلوه
ماراح اوعدك متى
بس راح تشوفه
وشكرا لك
nice and simple post.. :)
although i dont agree with the na7gerhum part, it seems so harsh to me ..
رتاج
انا قاعد اكتب لج هالكومنت وانا بالمستشفى مع بنتي امنومينها بسبب جفاف حاشها وما تتصورين اني من الساعه 4 ونص العصر من رجعت من الدوام وشفتها بهالحاله شصار فيني بدون ما احس قمت اصرخ على الكل وشلتها ابأيدي وطلعت بدون ما احس بنفسي وكان كل همي انها تتشافى باقرب وقت بدون ما اقص عليج كانت حرارتها 39.80 كانت ذبلانه بايدي اشويه اذا قلت لج بجيت فصخوها اهدومها وبلشو يصبون عليها ماي بارد ويسوولها كمادات حق كل جسمها واهي المسكينه حتى البجيه مو قادره تبجيها وحولوها من المستوصف لي مستفى مبارك انا بهالحزه قلت مالها الا مستشفى خاص وطرت فيها لي مستشفى هادي وبعد الفحص والتحاليل قالو لازم تبات عندهم عشان تكون تحت الملاحظه وهذي اهي حبيبتي جدامي حاطين لها دريب بايدها وعطوها ابره من شوي !! صدقيني من اللي بداخلي قاعد اقول هالكلام ودي لو انها ترجع مره ثانيه بعافيتها وتكسر اللي تبي وتخرب اللي تبي والله راضي بس ولا اشوفها بهالحال
رتاج نصيحة اخو.. الله لا يوريكم اللي شفته اليوم !! خلو عيالكم يسوون اللي يبون خل يعيشون عمرهم زساعدوهم ولعبوهم ترى حياتنا بدون صوتهم ما تسوى
والله ما تسوى
لا تنسينها بالدعاء
الحلو الي في الموضوع ان يتكلم عن الاطفال واهمه احلى مافي الدنيا
ونصايح مفيده
بس نقطة الياهل الكبير انج تحقرينه انا مو معاج فيها لأن بالعكس الكبير يفهم ويبي منج اهتمال واذا بجى عليج انج تقعدين تفهمين منه سبب البكاء
يعطيك العافية
-
مناف
الله يقوم بنتك بالسلامة انشاءالله وماتشوفون شر
مشكوره عالنصايح و انشالله انشالله اذا تزوجت و يبت ولد راح اتذكر نصايحج :D
مناف
انشاالله تقوم بنتك بالسلامه وتشوفها
تلعب جدامك
وطمنا عليها
ريكوو
انشاالله تتزوج والله يوفقك
شكراااا
ony
صح كلامج حتى انا اقول لنه مو شي
بس انا جربت كل شي ويا بنتي
وشفت هالشي اهو الوحيد اللي نفع وياها وانا قلت على حسب الموقف
شكراا
بنت الكويت
انا قلت على حسب الموقف وطبيعة الطفل
صح ان اهو مو الحل الانسب وما انصح في
بس انا جربت كل شي ويا بنتي وشفته الافضل
الله يعافيج
5roofa
الاطفال يهبلون كافي اذا شفتيهم يضحكون شلون تستانسين
تصدقين وايد في اهالي مهملين اطفالهم وهذا اكبر غلط
وجود الوالدين بحياة الطفل شي وايد مهم لنفسية الطفل وياثر تأثير كبير علي
مشكوره حبيبتي
هلا والله باستاذ بلاليط
وانشاالله تكون استفدت من النصايح وشكراا لك
الله لا إييب المشاكل
واليهال مي إييبون الشطانه من بره
وكل عمر له متطلباته
وتقدرين ترجعين بالسنين
ورى شويه علشان تتذكرين
إنتي شكنتي تسوين
وإنتي صغيره
عيال إختي وأخوي مسافرين
والبيت ظلمه بدونهم
وآنا جني ياهل عقب الغدا
أقعد بزاويتهم
وألعب بألعابهم
:((((
hamdool
اليهال اهم اللي يحلون البيت
وبصوتهم ولعبهم
الله يرجعلك اياهم بالسلامه
مساالورد والجوري
غاليتي رتاج
الاطفال أحلي واغلي شي بالدنيا
الله يرزق اللي ماعنده...ويخلي للي عنده
دمت بحب وود
ابدا
:)
إنشالله بيرجعون باجر
بالسلامه
مشكوره وايد وناطرين إبداعاتج
لا تطولين علينا
اختي رتاج موضوعج جدا حلو واليهال زينة الحياة وإيننون واهما يضحكون بس صج ساعات ودي انتحر لما يبجون على سنة وحدة وماكو شي يسكتهم .. بس في أشيا مهما تحاولين تزرعينها ما تنزع مثال : وانا صغيرة امي كله تشتريلي قصص وحالتها خالة وطلعت أكره القراءة وقبل سنة يالله حبيتها لووول :)
فمو شرط في أشياء احنا بروحنا نكتشفها بروحنا لما نكبر باقتناعنا ومو بتوجيه من أهلنا .. بس هم شي وايد حلو منج وبادرة طيبة ونصايح حلوة
عسى الله يخليج لهم ويخليهم لج يارب :)
بسم الله الرحمن الرحيم "المال والبنون زينة الحياة الدنيا" صدق الله العظيم
احلى شي بالدنيا الاطفال بس مشكلة هالوقت ان الام والاب يستانسون بالاطفال وينسون التربيه مو كلهم البعض بس الكل طاغي عليهم الدلع بطريقه موطبيعيه واتمنى يكونون ذريه صالحه واتمنالج التوفيق :)
وين البوست الجديد لا اطولين
وتحياتي لاختنا البندري الغايبه بس على وشك ولاده ترى باركولها
طولتى رتاج علينا
Where is my lovely sister?
w laish kel hal ghaiba!?
:(
ترى وايد طولتي
وايد
Post a Comment